Senador Richard Gordon sa virtual nga pagsinapol sang Philippine Red Cross kag sa mga supporters sini ang nagsiling nga siya ang nagahatag sang konsiderasyon nga magpapili bilang presidente sa 2022.
Suno sa Philippine Red Cross chairman nagapati sya nga sarang siya mag daog pero wala pa sang lubos nga desisyon sa iya nga bahin tuhoy diri.
Suno kay Gordon ang iya nga track record magapakita sang iya nga igkasangol. Una na diri ang mga tikang nga gin patuman sang Red Cross kontra Covid-19. Sa bilog nga pungsod nagapanguna ang red cross sa Covid testing, base sa datus nga gin present. Wala labot diri naga bulig man ang Red Cross sa Covid 19 vaccines.
Ika duha, may mga job generation programs na siya nga napatuman, nga nagalakip sa iya nga mga naobra sa Subic kag bisan pa sa sadto anay programa sang tourism ang Wow Philippines.
Wala sang kahadlok si Gordon magpapili suno sa iya. Ang ginakabalak-an niya amo nga kun magsala ang pumuluyo sa pagpili sang maga pungko nga lider kay man mangin mabudlay na sa pungsod ang liwat nga makabangon.
Nag hatag sang mensahe si Gordon sa partner’s awards night nga ginsakdag sang Bacolod Red Cross Hwebes sang gab-i.