Screenshot sang post sang ginapatihan estudyante nga nagbuyayaw sa Talisay City Mayor bangud sang late announcement sang cancelled classes viral

Madasig nga ginpasa-pasahan sa social media ang post sang isa ka gina siling estudyante nga naga buyayaw sa alkalde sang Talisay City nga si Rowena Lizares bangud para sa iya ulihi na nag-suspendi sang klase ang alkalde.

Paathag sang kampo sang alkalde 6:23 am na sang napaidalom sa orange rainfall warning ang Negros Occidental kag sa idalum ang DepEd Order nga kun orange ukon red rainfall warning suspendido na ang klase hasta grade 12 kag ALS.

Indi lang sa Talisay nagreklamo ang mga netizen bangud sang late announcement. Bisan sa Bacolod kag iban nga LGU nagreklamo ang netizens kay ara na sa eskwelahan ang mga estudyante sang nahimo ang announcement.

Si anay Mayor Neil Lizares sang Talisay City nga mister ni Mayor Rowena ang nag post man sa iya account sang mga tinaga nga “Watch your Mouth”.

Inactive na sa karon ang account sang amo nga persona.*

[sibwp_form id=1]