Sa Setyembre 13 magabukas ang klase sa mga pampubliko nga buluthuan.
Suno kay Ian Arnold Arnaez, ang PIO sang Department of Education, Negros Occidental Division, ang mga naka enrol sa mga pampubliko nga eskwelahan sa school year 2020-2021 ang gina kabig na nga enroled na para sa school year 2021-2022.
Pero, duha ka semana antes sa natalana nga opening sa Setyembre 13, may patigayunon nga confirmation ang mga buluthuan agudto mapat-od nga ang isa ka estudyante magapadayon sa iya nga pag-eskwela.
Suno kay Arnaez, sa mga 330,000 tubtob 350,000 nga mga estudyante sa idalom sang Negros Occidental Division, ginapaabot nga ini ang magasaka sa one percent para sa 2021-2022 nga school year.
Sa early registration nga ginpatigayon sang Pebrero tubtob marso para sa mga kindergarten, grade 1, grade 7 kag grade 11 may 2 percent increase.
Mahimo nga pareho sa gihapon nga mode of learning ang patigayunon santo sa igkasarang sang mga eskwelahan kag estudyante. Sa school year 2020-2021, majority ukon 628 ka eswelahan ang nag gamit sang modular distance learning.