Indi magnubo sa 400 ang ginapaabot nga ma accommodate sang Bacolod COMELEC sa satellite registration nga ginsakdag sini sa mall subong nga adlaw.
Matapos ang duha ka semana nga nag quarantine, liwat nga nag-resume ang registration sang Bacolod COMELEC.
Suno kay Atty Kathrina Trinio-Cana, ang elections officer sang Bacolod, naka schedule na sa kada Biernes kag Sabado sa bilog nga bulan sang Setyembre ang satellite registration.
Sumugod sa Setyembre uno naman, humalin las 8 sang aga tubtob las 7 sang gab-i ang registration sa talatapan sang COMELEC magluwas sa mga adlaw nga naka schedule ang satellite registration.
Ginapaabot ang pagdamo sang mga maga pa rehistro karon nga nagahilapit naman ang katapusan sang voter’s registration nga natalana sa Setyembre 30.