Nagbalik naman sa masobra 300 ang active COVID-19 cases sang San Carlos City.
Sa datus sang Provincial Incident Management Team as of April 28, 5pm, 319 ang active COVID-19 cases sang siudad.
Suno kay Governor Eugenio Jose Lacson local transmission sa gihapon ang kalabanan sa sini nga mga kaso kag manubo lamang ang mga APOR kag returning residents.
Suno kay Lacson may clustering sa mga kaso sa siudad kag nagsiling ang LGU nga aktibo ang ila nga contact tracing kag swabbing rason nga nagdamo ang active COVID-19 cases.
1,863 sa amo nga datus ang active COVID-19 cases sang Negros Occidental. Nag panaog na gikan sa masobra sa dos mil sadto kag suno kay Lacson sini lamang gin classify naman sang Department of Health ang Negros Occidental nga low risk area.
Samtang, 93 naman ang na record nga bag-o nga kaso sang COVID-19 sang Negros Oriental kahapon.
Ini ang pinakamataas nga na record sini nga bulan.
Magluwas sang 93 ka bag-o nga kaso, may duha man ka napatay bangud sa covid-19 sa negros oriental lakip na ang 26 anyos nga call center agent.