Digicast Negros

Safety kag vaccination seal gina lantaw nga mangin requirement na sa pagkuha sang business permit

Magluwas sa safety seal may mga gina-issue na nga vaccination seal ang Bacolod Emergency Operations Center sa mga commercial establishment nga fully vaccinated na ang mga empleyado.

Ang safety seal kabahin sa mga requirement sang DILG, DTI, DOT upod sa local government unit para sa dugang nga pribilihiyo sang commercial establishment, nalakip diri ang 10 percent additional venue capacity depende sa alert level status.

Suno kay Dr. Edwin Miraflor, officer in charge sang City Health Office, posible nga iga-require man sang lgu ang safety seal kag vax seal sa pagkuha sang mga commercial establishment sang business permit karon nga nagapabilin ang pandemic.

Nagapati man si Em Ang, executive director sang Bacolod Emergency Operations Center nga mangin dako man ini nga bulig para sa mga customer sang isa ka baligyaan agud mas makaseguro sila batuk sa paglaton sang Covid-19 virus.

Pagatun-an man sang katapo sang EOC ang amo nga tikang antes pa man iga-reccomend sa konseho sang siudad para sa nagakaigo nga ordinansa.

Exit mobile version
Skip to toolbar