Sumugod las kwatro sini nga hapon, Mayo 14, tubtob las nuebe sang gab-i ginpaidalom sang National Grid Corporation of the Philippines sa red alert ang Visayas Grid.
Ang red alert ang gina issue sang NGCP kun ang power supply indi makaigo para sa kinahanglanon sang mga konsumedor kag ini ang natabo sa Visayas kag sa Luzon sa subong.
Masami sa mga mainit nga panahon ginakulang ang power supply tuga sang mataas nga demand sa kuryente ilabi na sa sa peak nga mga inoras.
2,413MW ang kapasidad nga ma produce nga power supply pero ang demand yara sa 2510 MW .
May 20 tanan ka mga power plants ang wala naga andar. May 12 naman ka mga power plants ang naga operate sang mas manubo sang sa ila sini nga kapasidad gani 866.7 MW sang kuryente ang indi available para sa grid.
Suno sa NGCP, Yellow Alert naman kaina las 3 tubtod las kwatro sang hapon kag las nuebe tubtob las onse karons a gab-i. Buot silingon may nagakaigo nga power supply pero engkaso nga may mag shutdown nga panta kulang na dason ang power supply. Ini ang ika tatlo na nga adlaw nga naka yellow alert ang Visayas.
Ang Negros Power ang nagpagwa na sang listahan sang mga areas nga ma apektohan sang brownouts subong nga adlaw.*
[sibwp_form id=1]