Arestado ang isa ka lalaki matapos ini ginpalukpan sang armas ang isa ka bus upod sang apat ka ka mga persona sang Sabado sang hapon.
Sa imbestigasyon sang PNP, sa banwa pa sang Toboso nagpara ang 5 ka mga suspek apang wala ini gin pasakay sang bus driver bangud nakita nga may dala nga tubo ang isa sa mga suspek.
Mahimo nagduda suno sa pulis ang driver bangud damlag pa may natabo nga pag pangholdup sa amo nga lugar.
Ginlagas suno sa pulis sang lima ka suspek ang bus kag gin palukpan sang ila dala nga mga armas.
Nakapangayo sang bulig ang konduktor sang PNP gani sila ang ginbantayan man sa checkpoint. Didto na ginlagas sang kapulisan ang ila nakita nga mga motor nga gilayon man nag U turn.
Isa ang nadakpan sang kapulisan nga amo si Joefil Sante, 19 anyos. Iya gin pahayag nga indi niya kilala ang apat ka mga upod kag tripping lang suno sa iya ang pag lagas sa bus kag pagpaniro.
Ginahibalo pa sang PNP kun bala ang ila gid tuyo amo ang pag pang holdup kag ang identity man sang apat pa ka mga suspek.