Patay ang 52 anyos nga driver sang motor nga is Neptaly Subiate matapos malakip ang iya gina dala nga motor sa multiple collision nga natabo kaina sang aga sa highway bahin sang Barangay Calumangan sa siyudad sang Bago.
Sa imbestigasyon sang PNP, nabungguan sang Fuso Truck nga nagadalagan padulong sa sur nga bahin sang dalan ang iya sini ginasundan nga government vehicle nga maliko na kun tani para magpa tughong.
Ang gin bungguan nga government vehicle amo naman ang nag swerve sa pihak nga lane kag nag bunggo sa motor sang napatay nga si Subiate.
Isa pa ka naga parking nga tricycle ang na bungguan sang government vehicle. Ang truck nga nag bunggo sa government vehicle ang nag swerve man sa pihak nga linya kag nag bunggo sa naga sugata naman nga Ford Raptor.
Magluwas sa napatay nga motorcycle rider, pilason man ang anum ka pasahero sang truck nga nag agum sang minor inury.
Nag sungka man karon sa Bago PNP ang driver sang truck kag government vehicle.