Nagadiutay na gid man karon ang mga nagakadto sa mga vaccination center sa mga mall bangud magluwas sa mga ginapatigayon nga vaccination program sa mga kabarangayan, masako man ang mobile vaccination drive sang Bacolod.
Pero ginalauman sang katapo sang Bacolod Emergency Operations Center ang posible liwat nga pagdagsa sang mga magapabakuna sa pagsugod man sang pediatric vaccination
Para sa mga menor de edad nga 12 tubtob dise anyos sa Nobyembre 3.
Bwas pagasugdan sang EOC ang pagbakuna sang Pfizer kag Moderna Covid-19 vaccines para sa dos shientos ka mga menor de edad nga may co-morbidity.
Ginpasalig ni Dr. Edwin Miraflor, OIC sang City Health Office nga may nagakaigo nga supply sang bakuna para sa kapin siete mil ka mga menor de edad nga nalakip sa ila nga masterlist.