Digicast Negros

Sa 99 ka mga registrants sa Bacolod nga may oppositors, 64 ang nag withdraw

May 64 na tanan ka mga opposition sa 99 ka mga voter applicants ang gin-withdraw sa nagapadayon nga Election Registration Board hearing sang Comelec-Bacolod.

35 na lamang karon ka mga opposition sa 99 ka mga voter applicant ang iga-deliberate sang katapo sang Election Registration Board.

Ini matapos 64 na ka mga oppositors ang nag-withdraw sang ila opposition batuk sa mga voter applicants.

Suno kay Atty. Kathrina Trinio-Cana, kalabanan sa mga voter applicant nga may opposition ang nag-pa-reactivate sang ila voters status.

Oktubre katorse sang nabaton sang Comelec-Bacolod ang reklamu batuk sa mga voter applicants nga nagpa-rehistro sa sulod sang hulyo tubtob Setyembre nga Comelec voters registration.

Kabahin sa mga ginakwestyon ang residency sang mga voter applicants gikan sa Barangay 3, 30, 32, Alijis, Bata, Granada, Mansilingan, Singcang-Airport, Tangub kag Mandalagan.

Exit mobile version
Skip to toolbar