Linibo nga mga cadets natalana nga maga-compete sa 2nd Philippine ROTC games sa Bacolod sa Mayo 26 asta Hunyo 1.
Opisyal nga ginpirmahan nanday Senador Francis Tolentino kag Bacolod City Mayor Albee Benitez upod sa pamunuan sang Department of Education Regional Office 6 kag Philippine Air Force Reserve Command ang kasugtanan para sa 2nd Philippine ROTC Games sa Bacolod.
14 ka mga hinampang ang hiwaton halin Mayo 26 asta Hunyo 1 sa siudad nga mangin host sang ROTC games Visayas Leg karon nga tuig.
Ginsiling ni Senador Tolentino nga balantayan ang sports events nga sarang makahatag inspirasyon indi lang sa mga athlete kundi para sa mga pamatan-on nga mapabaskog pa ang ila pagpalangga sa pungsod.
Para sa alkalde dako ang mabulig sang national sports competition sa pagpasanyug sang turismo.
Magluwas sa adjustments sa pagpatigayon sang mga hinampang sa pihak sang mainit nga panahon mas ginpaayo sang organizing committee ang pagdumala sang tuigan nga kompetisyon halin sa pag-improve sang officiating committee kag pag-designate sang mga venue para sa hinampan