Road closure ang ipatuman sa Burgos Street sa atubang sang Bacolod North Public Cemetery para sa Pista Minatay.
Sa Oktubre 31 asta Nobyembre 1 ipatuman sang Bacolod Traffic Authority Office ang road closure sa dalan Burgos antes sa intersection sang Lopez -Jaena Street asta sa Ylac Avenue.
Suno kay Police Major Junjie Liba pamuno sang mahimo ipatuman man nila ang panibag-o nga re-routing scheme sa mga motorista nga nagalinabay sa mga dalan nga malapit sa patyo sa Pista Minatay.
Plano man sang BTAO nga magpatuman sang one-way scheme sa Punta Taytay Road agud nga mapahagan-hagan ang lakat sang trapiko sa atubang sang Bacolod Sacred Heart Memorial Park.
Indi man abi malipod nga kun Pista Minatay nagadugok man ang mga excursionista sa mga beach resort sa Barangay Punta-Taytay.