Partial kag Full Road Closures sa Lacson kag Circumferential Road para sa MassKara Festival 2025 ang ginsugdan na.
Nag sugod kaina la una sang hapon ang full road closure sa pila ka bahin sang Lacson Street bilang preparasyon sa MassKara Festival 2025 nga highlights.
Base sa SP Resolution No. 711, ang Lacson Street — halin Bannga Ramos sa BS Aquino–Lacson tubtob SSS ukon sa Cottage Road ang ipaidalom sa full closure sa Oktubre 16 – 1:00 p.m. to 6:00 a.m, kag Oktubre sa 17 tubtob 19 magasugod 2:00 p.m. to 3:00 a.m.
Apektado man ang Bata kag Mandalagan routes.
May traffic rerouting – ang Aguinaldo Street mangin one-way – South to North.
Ang Gatuslao Street – one-way man, North to South.
Sa Biernes, Oktubre 17, may full closure sa Circumferential Road halin Burgos tubtob St. Francis Avenue sa Palmas–Doña Juliana gikan 4:00 p.m. tubtob 9:00 p.m. para sa Electric MassKara Celebration.
Ginahingyo sang otoridad ang publiko nga maglikaw sa mga apektado nga dalan kag magamit sang alternatibo nga ruta.