Ini kasunod sang pagkalumos sang duha ka mga Grade 10 nga estudyante sang maanod sa daludo sang tubig sa Himogaan River sa Brgy. Malubon.
Tatlo man ka adlaw nga nagpatigayon sang joint search, rescue, kag retrieval operation nga ginsugdan January 9 to January 11 ang Sagay City Disaster Risk Reduction and Management Office, Philippine Coast Guard Special Operations Group, Bantay Suba volunteers, mga barangay council, Bureau of Fire Protection, kag ang police.
Enero 9, sang nagpadulong sa suba ang Grade 10 students para kuntani sa birthday celebration sang naabtan sila sang flash flood.
Ang mga estudyante tigayon nga nakalab-ot sa kilid sang suba magluwas sa duha ka mga lalaki nga naga pang edaron 16 kag 15 anyos nga na anod.
Ginmaduan sang alkalde ang CDRRMO, barangay officials, kag mga concerned city offices nga pabakuron ang preventive measures nga nagalakip sang mas klaro nga warning systems, mas istrikto nga monitoring sang river activities, kag ma supog nga public information campaigns, labi na sa maulanon nga panahon.
Importante nga mas mapaayo ang temprano nga warning coordination sa mga nabukid nga barangay kag yadtong sa mga nanub-an para makapangaman enkaso nga may pag kambyo sa river condition.
Ang LGU ang maga assess man sang mga river access points, signage, kag community-based monitoring mechanisms para mapaiway ang kasubong nga hitabo.*
[sibwp_form id=1]