Papauli na kuntani ang 32-anyos nga lalaki sakay sang iya motorsiklo sang siya ang maglapaw sa kurbadahon nga dalan kag makabunggo sa puno sang lubi sa national highway nga sakop sang Hacienda Omapog, Barangay Luna sa Cadiz City, kaina sang kaagahon.
Bangud sang impact, nahulog ang motorsiklo sa higad sang dalan kag nakaangkon sang mga pilas ang rider nga ginkilala kay alyas JR, residente sang Brgy. Sicaba sa Cadiz.
Gindala siya sa Cadiz District Hospital apang ginbawian sang kabuhi.
Nag-gwa sa imbestigasyon sang kapulisan nga halin sa proper sang Cadiz kag pakadto sa Brgy. Burgos ang motor. Posible suno sa pulis nga sa kadasigon sang pagpadalagan sang rider, naglapaw ini bangud kurbada ang highway kag medyo dulom ang lugar.
Suno sa pulis, upod sang rider ang iya mga barkada nga nagasakay man sa ila tagsa ka mga motor sang magluntad ang insidente.*
[sibwp_form id=1]