Sa Enero pa maga retiro si Lucille Gelvolea bilang Economic Enterprise Development department head sang provincial capitol.
Gani magahulat man si Mayor Albee Benitez nga matapos niya ang ginakinahanglan nga documentation halin kay Gelvolea antes pa man itugyan ini sa konseho sang siudad para sa natalana nga appointment.
Nangin kaupod na ni Benitez si Gelvolea bilang katapo sang Incident Management Team sang magpeak ang Covid 19 pandemic.
Nangin consultant man siya sang siudad sa Special Projects and Economic Affairs kag tatlo man ka tuig nga nangalagad bilang anay OIC-provincial administrator sang probinsya.
Ginpamunuan niya man sadto ang Office of the Provincial Agriculturist sang Negros Occidental.