Resulta sa imbestigasyon sang gina alegar anomaliya sa BTAO ipa-gwa sa madasun semana.
Ginpasalig ni City Legal Officer Atty. Romeo Carlos Ting, Jr. nga sa madasun nga semana i-submit na nila kay Mayor Albee Benitez ang resulta sang imbestigasyon may angut sa gin-alegar korapsyon sa Bacolod Traffic Authority Office.
Nagligad pa nga bulan sang ginpadangat ni Councilor Al Victor Espino ang reklamo sa konseho tubtob nga nagdesisyon ang alklade nga ilisan si Police Major Junji Liba bilang pamuno sang BTAO.
Suno kay Ting, pila ka mga personnel nga job order workers nga subject sa imbestigasyon ang naghalin na sa ubra amo nga kinahanglan nila nga mag-usisa sang matul-id halin sa mga issuances sang citation tickets kag iban pa.
Si anay board member Patrick Lacson nga amo man ang traffic consultant sang siudad ang napili nga pamunuan ang BTAO.