Wala gin paboran sang Sangguniang Panlungsod sang Bacolod ang hinyo sang katapo sang Metro Bacolod Chamber of Commerce and Industry nga mapalawig pa ang Business One Stop Shop ukon BOSS para sa business application tubtob Marso 31.
Nagapati ang katapo sang konseho nga indi mangin patas ang pagpalawig sang filing sang registration kag renewal sang business permit para sa mga nag hingagaw sa ginpalawig na nga deadline sang Pebrero 15.
Humalin sang nagtakop ang BOSS sa Bacolod City Government Center ginpatuman na sang City Treasurer’s Office ang penalty sa mga late business applicants.
Sa record sang Treasurer’s Office naglab-ot sa P622M ang business tax collection sang siudad.