Isa ka resolution ang gin-file ni 3rd District Representative Javier Miguel Benitez sa pag patigayon sang inquiry angut sa natabo nga engkwentro sa Toboso sadtong Abril 19.
Samtang, Presidential Task Force on Media Security ang maga pangusisa man angut sa kamatayon sang isa ka community journalist sa amo nga encounter.
Nag-file si Benitez sang resolution nga naga direct sang naga kaigo nga komitiba sang House of Representatives, nga mag patigayon sang inquiry in aid of legislation sa encounter sa Salamanca nga ginkamatay sang 19 ka mga gina alegar katapo sang NPA.
Nalakip sa 19 ang duha ka mga US Citizens.
May nagkalain-lain nga mga narratives nga naga gwa angut sa natabo nga insidente gani kinahanglan ang impartial investigation para mapat-od ang matuod nga natabo suno sa resolution.
Gina paabot nga ang mga natungdan nga mga government agencies kag iban pa gid nga grupo ang maga submit sang reports, documents, kag iban nga ebedensiya.
Sa pihak nga bahin, ginsiling man sang Presidential Task Force on Media Security nga ginakilala nila ang nagkalain-lain man nga narratives angut sa affiliation sang community journalist nga si RJ Nichole Ledesma nga isa sa 19 nga napatay.
Gina abi-abi man nila ang pag pangusisa nga gina patigayon sang Commission on Human Rights. Importante nga ang tanan ma verify para ma angkon ang hustisya kasubong man ang accountability.
Gina sulit man sang ahensya ang pahanumdom sa media personnel nga yara sa conflict zone nga mag sunod sa safety protocols.
Nalakip na diri ang pag gamit sang vest kag mga markings nga naga identify sang journalistic status para malikawan ang misidentification.*
[sibwp_form id=1]