Suno kay Benitez ang amo nga mga alegasyon ang wala sang basehan kag iresponsable.
Iya gin-alegar nga ini ang nag gikan man mismo sa sulod sang Sugar Regulatory Administration.
Sa isa ka privilege speech ginsiling ni Benitez nga ang presyo sang kalamay ang gina pat-od sang supply and demand kag indi sa mga gina patigayon nga hearing.
Ang datus suno sa iya naga pakita nga sang sugod sang October 2025 milling season, ang total physical sugar inventory nagdangat sa 902,082 metric tons, mataas sa 44 percent kun ipaanggid sa nagligad nga tuig.
Ang carry-over stocks yara sa 738,633 metric tons, halos doble sa ideal buffer level. Suno sa kongresista ang ini nga mga kondisyon naga pakita sang excessive supply sa market.
Dugang pa ni Benitez ang Sugar Order No. 8, nga naga authorize sang importation sang 424,000 metric tons sang refined sugar kag naka schedule mag-abot sa tunga-tunga sang July kag November 2025, ang nag dungan sa pag bukas man sang galing. Ang Negros sugar leaders, ang nag recommend sang 150,000 metric tons lamang.
Ang timing kag ang volume sang import suno sa iya amo ang nag tuga sang pag sarurot sa farm-gate prices. Nagdangat ini sa Php 2,000 tubtob Php 2,200 kada sako paglab-ot sang January 2026, manubo na sa production costs.
Ang hearings suno kay Benitez ang naka bulig bilang basehan sang extension sang Department of Agriculture sang sugar import ban tubtob sa December 2026.*
[sibwp_form id=1]