3rd District Representative Javier Miguel “Javi” Benitez ang nag-inspect sang mga flood control projects sa iya nga distrito.
Sa paglibot ni Benitez wala siya sang ghost project nga nakit-an pero may tatlo na ka mga nagkalaguba nga proyekto kag ini ang ila gin inspkesyon kaupod ang DPWH sang Domingo sang hapon.
Una, ang P93 million nga flood mitigation structure sa Malogo River sa Barangay Pasil, EB Magalona nga may kalabaon nga 900 meters nga natapos sadtong 2019.
Pero may kapin sa 20 metros nga porsyon sini ang naguba kag luyag ni Benitez nga kayuhon sang contractor.
Ang P96.5 million nga flood control project sa Imbang River sa Barangay Hawaian, Silay City ang natapos sang 2020.
Ang tubig diri ang wala na naga sulod sa tamburong.
Ang flood control project naman sa Minuluan River sa Barangay Zone 14-B, Talisay City nagakinahanglan sang dredging.
Luyag sang kongresista nga kayuhon ini sang contractors kag kun mapaslawan sila, indi na sila maka intra sa bidding sa mga projects sa 3rd District.