Separado nga nakigsapol ang mga opisyales sang pila ka mga sugar group upod kay presidential aspirant Ferdinand “Bongbong” Marcos, Jr. sa isa ka hotel kaina.
Ini agud nga ma-istoryahan sang matul-id ang paghatag solusyon sa nagaluntad nga problema, nalakip diri ang pagsaka sang presyo sang abono kag iban pa nga farm inputs kasubong sang produkto petrolyo.
Damlag pa, nabalabagan sang grupo ang tuyo nga pag-import sang Sugar Regulatory Administration sang 200,000 metric tons sang refined sugar pinaagi man sa temporary restraining order kag injuction nga ginfile sang grupo kontra sa Sugar Order Number 3 sang SRA.
Si anay presidente Gloria Macapagal-Arroyo ang nagpahayag nga handa si Marcos,Jr nga pamatian ang lideres sang sugar industry.
May mga sugar groups ang nagpabutyag man sang ila pagsuport sa UniTeam ticket.