Digicast Negros

Remote Station sang PHIVOLCS sa Mailum sa Bago City ang gin vandalize; mga kable ang gin pang utod

Remote Station sang PHIVOLCS sa Mailum sa Bago City ang gin vandalize

Mga kable ang gin pang utod rason nga transmission sang datus ang na apektuhan angut monitoring sang bulkan Kanlaon.

Ginsiling ni Mari-Andylene Quintia ang resident volcanologist sang Philippine Institute of Volcanology and Seismology nga sang November 13 nag untat ang streaming sang ila nga observation station (VKMH) sa Sitio Manghumay sa Mailum. 

Ginkadtuan ini sang ila nga mga technician sang November 17 kag natukiban nga ang mga kable ang ginpang utod. 

Sa report sang PHIVOLCS ang mga kable sang ScanDOAS, GNSS Global Position System equipment, seismic sensor GPS kag sang solar panel amo ang mga na pang utod. 

Suno kay Quintia basi nangin mainit sa mga mata sang responsable nga persona ang mga kable pero wala sang makuha nga uway ukon copper gikan diri. 

Na report na nila sa PNP ang insidente. 

Pero naga panawagan ang PHIVOLCS bisan pa ang Office of the Civil Defense nga ang pag vandalize sang mga government equipment ang maka dala sang daku nga kahalitan. 

Suno kay Quintia indi lamang ang PHIVOLCS ang na apektuhan sang pag pang utod sang mga kable kundi nabutang man sa alang-alang ang safety sang mga pumuluyo malapit sa bulkan Kanlaon bangud gina gamit ini sa pag tipon sang datus sa gina monitor nga activities sang bulkan labi na nga aktibo ini sa karon. 

“Kumbaga indi lang ni para sa PHIVOLCS. Ang aton mga monitoring instruments gina gamit na siya naton para ma safety man naton ang mga communities nga naga istar malapit sa Kanlaon Volcano. So ang mga amo ni nga instrumento importante sa aton montoring, tani buligan kita sang aton communities i-safeguard ang aton mga instrumento”, suno kay Quinitia.

Sarang ma penalize ang responsable sini. Operational na karon ang amo na remote station.

“Gina condemn namon na ang mga amo na nga acts kay te naga apekto sa aton pag responde sa emergencies,” suno kay OCD regional director Donato Sermeno, III.

[sibwp_form id=1]
Exit mobile version