Nagwa sa imbestigasyon sang Hinobaan PNP angut sa nagluntad kahapon nga shooting incident sa Uybico Bilbao Senior High School kun sa diin napatay ang principal sang eskwelahan pati na ang manunudlo kag iya nga mister.
Suno kay Major John Ganzon, hepe sang Hinobaan PNP, natalana kun tani nga mag padulong kahapon ang maestra nga si Almarisa Arroy sa Women and Childrens Protection Desk sang banwa agud i reklamo ang principal nga si Warren Escosar sang sexual harrasment.
Apang wala na ini matigayon matapos sila mapatay sa pagpaniro. Dugang pa ni Ganzon, mahimo ini ang gin kaakig ni Escosar bangud sa indi niya luyag makasuhan kriminal.
Dala sang principal suno kay Ganzon ang shotgun kag calibre 45 pistol sa pag padulong sa eskwelahan.
May pag baisay pa nga natabo suno kay Ganzon sa tunga nanday Escosar kag sa mister sang teacher nga si Christopher Arroy antes niya ini gin tiro. Iya dason nga gin lagas sa classroom ang manunudlo kag didto gin tiro antes niya gin tiro ang iya kaugalingon.
Damlag pa gin pahayag man sang alkalde sang banwa nga sila ang nakabaton na sang impormasyon angut sa reklamo ni Arroy kay Escosar kag iya ini gin palab-ot sa Office of the President.
Ang DepEd Negros Occidental ang nag pa gwa man sang statement nga ila gina kundenar ang all forms of violence ilabi na sa mga eskwelahan.
Naga panawagan sila sa publiko nga indi na pagdabukan pa sa kung ano ano nga mga impormasyon ang natabo nga insidente.