65,000 pesos nga bonus ukon extra blessing ang batunon sang mga regular kag casual nga empleyado sang gobyerno probinsyal.
Ini ang gin anunsyo ni Governor Eugenio Jose Lacson sa lights-on ceremony sang Provincial Capitol Park ang Lagoon kagab-i kadungan man sa iya nga kaadlawan. Ginsugata sang hinugyaw kag palakpak sang empleyado ang amo nga announcement sang gobernador.
Sang kagab-i mismo ginsiling ni Vice Governor Jeffrey Ferrer nga kasubong na nga gin aprobahan ang amo nga request sang gobernador.
Nag pagwa naman sang pahayag ang Progressive Alliance of Capitol Employees nga naga pasalamat sa gobernador para sa amo nga lihok. Ginsugata man sang pila ka mga negatibo nga komento ang amo nga kantidad sang bonus, suno sa PACE, daku man ang gin sakripisyo sang mga empleyado ilabi na ang mga health workers.
Dugang pa sang PACE ang gin kuhaan sang pondo indi kasubong sang source sang para sa basic kag health services.
Sa mensahe naman sang gobernador kagab-i, wala siya naga wish sang para lamang sa iya nga kaugalingon. Siya ang naga wish nga ang tanan maga pabilin sa pink of health.