Gin-reschedule sang Commission on Elections ang resumption ukon pag balik sang Registration of Voters sa Agosto 1 tubtob 10 sini nga tuig.
Paathag ni Provincial Elections Supervisor Ian Lee Ananoria, kabahin in sang pag panghanda sa gihapon sang COMELEC para sa Barangay kag SK Elections samtang wala pa sang pat-od nga desisyon kun madayon gid man ang botohay sa Disyembre 1.
Yara na sa talatapan ni Presidente Ferdinand Marcos, Jr. ang hagna nga naga bag-o sang term of office sang barangay kag SK Elections kag yara na man sa iya ang pag approve sini ukon ang pag veto.
Kun wala man sang aksyon nga mapatuman sa sulod sang 30 diyas humalin sang iya ini na baton mangin laye na ini.
Suno kay Ananoria padayon lamang ang pag panghanda sang COMELEC. Ang mga manug 15 anyos enkaso nga madayon gid man ang BSKE sa December 1, ang pwede nga maka pa rehistro para sa SK Elections.
Sa August 1 to 10, magluwas sa regular nga registration sarang maka baton ang COMELEC sang change ukon correction of entries sa registration record, reactivation, inclusion kag updating sang records.
“As far as kami ya sa COMELEC is concerned we are preparing in case nga madayon. Indi man kami gusto nga flat footed kami nga wala kami naka preparar. In fact up to now sige kami preparar, naga inventory kami ballot boxes. Sige kami preparation para sa election”, suno kay Ananoria.