Red Zone Committee gintukod agud tagaan atensyon ang nakabig fire prone areas sa Bacolod.
May 195 tanan ka mga purok ang na-identify sang Bacolod Bureau of Fire Protection bilang fire prone areas.
May mga barangay nga ginkabig fire prone barangay nalakip diri ang Barangay 26, 27, 28, 30,31, 34, 35 kag Barangay 40.
Gani agud mas matagaan atensyon ang pagpaiway sang posible sunog, gintukod ni Mayor Albee Benitez ang Red Zone Committee.
Ginpahayag ni City Legal Officer Atty. Romeo Carlos Ting, Jr., ang komitiba amo ang maga-assess kag magapasiguro sang pagpatuman sang tikang para mapaiway ang sunog sa mga fire prone areas.
Ang pagbutang sang fire extinguishers sa nga strategic areas ang isa sa mga nakasugtan sa pagsinapol sang katapo sang komitiba.
Naduso man ang pagpatuman sang onsite housing project para masiguro nga matigayon ang pagsunod sa Fire Code of the Philippines sa mga ginakabig red zones.