Base sa ginpagwa nga Visayas Grid Alert Status sang National Grid Corporation of the Philippines naka Red Alert ang Visayas humalin las tres sang hapon tubtob las otso sang gab-i. Ang red alert nagakahulugan nga masdako ang demand sang sa available nga supply sang kuryente.
Yellow Alert naman humalin la una tubtob las tres sang hapon kag las otso tubtob las diyes sang gab-i.
Ang yellow alert naman ang nagakahulugan nga intsaktohan lang kag wala na sang allowance ang demand sa kuryente sang sa available nga supply.
Yara lamag sa 2,123MW ang available capacity ukon ang sarang nga ma produce nga kuryente pero ang peak demand nalagab-ot sa 2,418MW.
Kulang ang power supply sa Visayas gani may ginapatuman nga manual load shedding ukon bulos bulos nga mga brownouts indi lang sa Bacolod kundi sa bilog nga Visayas nga nagalakip pa sang Cebu kag Panay Islands.
May mga planta nga wala naga gana kag iban ang nga nag force outage kag ang iban indi man ma full capcity ang pag operate para indi matam-an.
[sibwp_form id=1]