Reassignment kag Dropping from the Rolls sang isa ka department head sang Negros Occidental sadtong 2022 ang suno sa Civil Service Commission not in order. Probinsya ang nag-file naman sang motion for reconsideration.
Sa desisyon ni Commissioner Luis Meinrado Pañgulayan, ang order nga gin pa gwa ni Governor Eugenio Jose Lacson sadtong March 2022 nga naga reassign kay Marlin Sanogal nga Provincial Planning and Development Coordinator sa Office of the Governor, kasubong man ang mando sadtong March 2022 nga naga drop sa iya gikan sa rolls ang indi in order. Dugang pa sang CSC ang order nga naga designate kay Anna Marie Lucasan bilang OIC sang PPDO ang indi man in order.
Gina manduan ang CSC Regional Office VI nga istrikto i-monitor ang pag patuman sang desisyon nga gin promulgate sadto pang May 13, 2026.
Sa desisyon sang CSC naka saad nga ang pag reassign sa Office of the Governor kay Sanogal nga may yara sang permanent position kag station-specific position bilang PPDC ang may kakulang sa pat-od nga mga duties kag inconsistent sa iya nga function santo sa iya nga position. Ang indefinite duration sa iya nga reassignment suno sa CSC ang maga gwa nga constructive dismissal.
Dugang pa sang CSC bisan pa isiling nga indi makabig constructive dismissal ang natabo, pagsupak ini sa Omnibus Election Code and related issues. Ini bangud gina dumilian ang transfers sa amo nga tion.
Kay may gin-file nga appeal si Sanogal kag tungod nga pending ini, suno sa CSC indi ma legally compel si Sanogal sa pag report sa Governor’s Office kag siya ang naga pabilin nga attached sa iya original station – ang PPDO. Kag dugang pa sang CSC indi man maka report si Sanogal sa iya original assignment bangud yara naman si Lucasan nga naga pungko bilang OIC. Nalakip man ini sa iya nga ginhinyo – ang pag nullify sang order nga naga designate kay Lucasan bilang OIC.
Suno sa CSC wala sang tuyo si Sanogal nga mag abandon sang iya nga post.
Naga pasalamat kag gina dayaw ni Sanogal ang Ginoo sa desisyon.
Ginsiling ni Provincial Administrator Rayfrando Diaz nga kaayo man sang ila nga pag istoryahanay sang mag desisyon si Sanogal nga mag retiro na lamang sa serbisyo.
Ginhatag ang iya nga mga request labi na sa pag process sang iya nga mga liquidation. Nakibot na lamang sila ni Diaz nga gin pasakaan sila ni Governor Eugenio Jose Lacson, ni Sanogal sang kaso.
Wala naga dampig sa kay Sanogal ang kamatuoran suno kay Diaz.
[sibwp_form id=1]