Nangin matawhay ang pagbukas sang duha ka mga dugang nga vaccination site sa separado nga sekwleahan sa Bacolod nga ginatalana para sa 5-11 year old.
Gani madamo man sa mga walk-ins nga magagmay nga kabataan ang natigayon nga nabakunahan.
Suno kay Em Ang, executive director sang EOC, pwede na makabaton sang walk-ins ang mga vaccination site para sa pediatric vaccination.
Pero mangin prayoridad nila sa gihapon ang mga naka-pre register online.
Ang STI-West Negros University kag St Johns Institute ang pila lang sa mga gintalana nga area para sa pediatric vaccination.
Ini magluwas sa tatlo ka mga ospital nga una na nga ginbuksan sang ginsugdan ang pagpangbakuna sa mga magagmay nga kabataan.
Kalabanan sa mga nagapabakuna nga kabataan ang naka-baton man sang libre nga mga hampanganan,ice cream kag cotton candy.
Bukas man ang mga pediatric vaccination site para sa mga luyag magpa-booster dose.