Punong Barangay Tanya Familiaran sang Barangay 13 ang nag-resign sa pwesto.
Ginkumpirma ni Department of the Interior and Local Government-Bacolod City Director Christian Nagaynay nga sang Hunyo 20 nag-submit sang iya resignation letter si Punong Barangay Tanya Familiaran sang Barangay 13.
Wala na ginpatpat pa sang punong barangay ang mga personal nga rason sang iya pagbiya sa pwesto sa DILG.
Pero ginpasalig ni Nagaynay upod sa katapo sang barangay council nga indi maapektuhan ang pagserbisyo sa barangay. Si Familiaran ang umagad ni Vice-Mayor El Cid Familiaran.
Si Kagawad Cecilia Chavez nga number 1 kagawad ang magatal-us sa nag-resign nga punong barangay.
Magapakigsapol bwas ang DILG sa barangay council angut sa natalana nga pagpanumpa ni Chavez kag pagpatpat sang mga tikang para sa transition.