Digicast Negros

Pulis sang Bacolod nasapwan patay sa Hinigaran, abyan nga iya kaupod gina usisa

Detained sa karon si Constantino Canoy nga abyan kag kumpare ni Police Corporal Nestor Madelo nga nasapwan patay sa Barangay Pilar sa Hinigaran kahapon. Gina kabig siya nga person of interest sang kapulisan.

Si Canoy ang ulihi nga upod ni madelo antes nasapwan sa Barangay Pilar ang iya bangkay nga may dako nga samad sa guya kag mga pilas sa lawas.

Suno kay Captain Ryan Villasario hepe sang Hinigaran PNP, halin sa imnanay ang mag abyan Sabado sang gab-i sa Bago City, kag sang papuli na sa Barangay Granada sa Bacolod, naka bunggo ang ila salakyan sa naga parking nga truck.

Pero imbes nga idal-on sa ospital, suno kay Villasario gindala sang iya abyan ang bangkay sang pulis sa Hinigaran kag nadula pa suno kay Villasario ang iya sini nga armas.

Padayon pa ang ila karon imbestigasyon bangud sa naga bag-o bag-o nga statement ni Canoy.

Isa sa posibilidad nga ila pa ginatan-aw sang PNP nga mahimo gin hungod man ni Canoy ang pag bunggo sang salakyan.

Si Madelo ang na assign sa Police Station 5 sa Bacolod.

Exit mobile version
Skip to toolbar