Pulis nga nabungguan sang salakyan sa operation ginpasidunggan
Gin hatagan sang “Medalya ng Papuri” si Police Staff Sergeant Mark Loui Soriba sang Police Station 7 sang Domingo samtang gina admit sa isa ka pribado nga ospital.
Sanday Police Brigadier General Arnold Thomas Ibay, Regional Director sang PRO NIR kag BCPO Director Police Colonel Joeresty Coronica ang naghatag sang medalya kay Soriba.
Si Soriba ang nabungguan sang salakyan samtang gina patigayon ang drug buy-bust operation Huwebes sang gab-i, sa Handumanan Access Road sa Barangay Mansilingan siudad sang Bacolod.
Suno kay Police Captain Dax Santillan, Station Commander sang Police Station 7, estable na ang kondisyon ni Soriba kag padayon nga naga paayo sa ospital.
Naghatag naman sang pinansyal nga bulig ang PRO NIR kag BCPO kay Soriba.