Digicast Negros

Pulis nga na dismiss gintiro, patay

Police Station 6 photo

Nakilal-an na sang Police Station 6 ang biktima sa pagpaniro sang kagab-i sa atubang sang University of Negros Occidental Recoletos sa Lizares Avenue sa Bacolod City.

Ang biktima nga napatay sa ospital amo si Ryan Lomugdang, 41 anyos, kag isa ka anay pulis.

Suno kay Major Leo Estopa, hepe sang Police Station 6, posible papauli na kun tani sa iya gina tiniran nga apartment si Lomugdang sang siya ang ginluthang sang ginapatihan riding in tandem.

Indi pa mahibaluan suno kay Estopa kun ano ang motibo sa pagpatay sa biktima.

Ginahibalo pa man sang PNP ang record ni Lomugdang kun ano ang kabangdanan sang iya pag dismiss sa serbisyo kag kun sa diin ini ulihi na assign antes gin dismiss.

Exit mobile version
Skip to toolbar