Mga P15 milyones ang iga-allocate sang Philippine Sports Commission para sa NIR Regional Training Center for Boxing sa siudad sang Bago.
Ini suno kay PSC Chairman John Patrick Gregorio nga yari sa probinsya sang Hwebes para sa pag lagda sang memorandum of agreement para sa amo nga proyekto upod sanday Bago City Mayor Marina Javellana-Yao kag Association of Boxing Alliances in the Philippines ukon ABAP President Marcus Jarwin Manalo.
Suno kay Gregorio gina lauman nga mahuman ang proyekto sa 2027.
Ang training center ang ipahamtang sa ABAP Gymnasium sa Barangay Poblacion sa Bago kun sa diin madamo na sang mga Olympians ang nag train lakip na mag-utod nga sanday silver medalist Mansueto Velasco, Jr kag bronze medalist Roel Velasco.
Lakip sa Regional Training Center for Boxing ang dormitory para sa mga boksidor, gym, fitness kag conditioning area kag equipment nga gina lantaw maga dangat tubtob sa P15 million para masiguro nga mangin world class ang amo nga facility.
Ang siudad sang Bago ang naga suporta na sang training para sa mga boksider sa sulod na sang 50 ka tuig gani deserve sini ang world class regional training center suno kay Gregorio.
Labing gina kalipay naman ni Mayor Javellana-Yao ang pag grant sang PSC sang hinyo sang Bago.
[sibwp_form id=1]