Provincial Tourism Officer sang Negros Occidental ang nag-file sang appeal sa Civil Service Commission matapos nga gin-deny ang ila gin-file nga motion for reconsideration may kaangtanan sa 6 months suspension nga ginpapanaog sa ila.
Ginsiling ni Provincial Legal Officer, Alberto Nellas, Jr., nga sang December 22, 2025 nabaton ni Provincial Tourism Officer nga sadto nagserbe bilang manager sang Mambukal Resort and Wildlife Sanctuary, Cheryl Decena, kag apat ka iban pa nga disbursing officers sang Mambukal nga gin-suspend ang pag deny sang ila nga motion for reconsideration.
Suno kay Nellas, wala na sila sang may nakita pa nga bag-o nga gin-present nga ebedensya nga mangin rason para mabaliskad ang desisyon sa simple neglect of duty nga kaso nga ila gina atubang.
Suno kay Decena, sang nagligad nga semana sila nag file sang appeal sa Civil Service Commission.
Ang kaso nila nag-ugat sa irregularities kag delays sa remittance sang cash advance nila nga nagresulta sa masobra 3 million pesos nga balor sang losses sa Mambukal sa tuig 2023.
Sa idalom sang principle sang command responsibility, gin-alegar nga napaslawan si Decena sa pag rectify sang natungdan nga unliquidated cash advances.
Sa katapusan sang Abril gina paabot maga tapos ang ila 6 months suspension kag magabalik report sa trabaho.*