Gina-consolidate na sa karon sang Provincial Legal Office ang sabat sang lima ka mga empleyado sang Office of the Provincial Agriculturist lakip na diri ang isa ka division head angut sa show cause order nga ginpapanaug sa ila.
Ang lima ang ginpasabat angut sa gina alegar misuse sang government vehicle.
Hulyo 15 sang gindul-ong sa Victorias City Hall ang lima para sa isa ka pag sinapol paagi sa Capitol Cab Service.
Ugaling nag las cinco na sang hapon kag wala pa maka balik sila sa nagahulat nga driver.
Natukiban sandig sa show cause order nga sila ang yara sa isa ka kalan-an mga las 8 sang gab-i kag naabtan nga naga inom-inom.
Sa sabat sang Division Head nga gin-submit sa talatapan sang Office of the Provincial Administrator, iya ginsiling suno kay Atty Rayfrando Diaz nga isa ka insulto ang mag pamalibad sa hospitality nga ginpakita sa counterpart sang agriculturist sa Victorias City.
Suno kay Atty Alberto Nellas, Jr. ang Provincial Legal Officer, sa katapusan sang bulan sang Agosto tigayon na sila maka pa gwa sang recommendation.