Naga lapta ang ginbilin nga mga basura sa higad sang karsada pasulod sa Barangay Handumanan sa Bacolod bisan pa may signage nga indi pwede maghaboy basura diri.
Sa Circumferential Road sa Barangay Alijis, naga lapta man ang basura sa higad sang karsada malapit sa ginatukod nga Coliseum sang Bacolod.
Magluwas diri, wala tuo ang reklamo nga wala na mahakot ang mga basura sa mga subdivison kag mga barangay.
Humalin sang nag igo ang bagyo nga paeng, problemado na ang pagsulod sang mga dump truck sang ipm construction sa may landfill sang siudad sa Barangay Felisa.
Naga kudol kudol ang dalan pasulod. Matapos kuno ang bagyo nag nilubong sa lunang ang mga dumptrucks.
Istorya sang checker sang DPS nga na assign sa landfill nga Sonny Barcenal, dalagko na lang nga dumptruck ang naka sulod sa landfill area.
Ang mga magagmay nga mga dumptruck nga amo ang naga pick up sang basura sa mga subdivision ang ini na maka sarang magsilod diri. Pati ang mga magagmay nga dumptrucks sang mga barangay indi man maka sulod. Gani nagka problem sa garbage collection.
Sang Biyernes tigayon na nga na bubuan sang buka nga mga semento kag mga bato ang naglunang nga parte sang dalan.
Gani masako na ang gwa sulod sang mga dalagko kag magagmay nga dumptrucks.
Ang ini nga dumptruck balik naman sa pagkuha sang basura sa sulod sang merkado sang handumanan, makapila man kuno ka beses nga naguba ang radiator kay nagaka bunggo sa karsada sa kadalom na sang alagyan.
May nubenta ka mga dumptrucks ang naga sulod sa dumpsite sa kada adlaw gani kun tig ululan naga dalom nga naga dalom ang inagyan sang mga ruyda.
Suno sa Department of Public Services, tinghuaan nila nga malagas ang ila nga backlog sa sulod sang sini nga semana.
Padayunon naman sang siudad ang proyekto nga pag pasemento sang dalan pasulod sa landfill area.