Probinsya sang Siquijor ang nag deklara sang state of calamity bangud sang gina atubang nga power crisis sini.
Ini ang ginpahayag ni Governor Jake Vincent Villa sa press conference nga ginpatigayon sang Hwebes.
Ang deklarasyon ang gin aprobahan sang Sangguniang Panlalawigan sa session sini sang Lunes suno kay Villa.
Ang pagdeklara sang state of calamity maga tugot sa probinsya sa pag gamit sang Quick Response Fund sini agudto sila ang makapatuman man sang immediate intervention.
“Ang pangutana, ngaa karon pa ni? Because, atong power generators they gave us a lot of false hope, na mu abot na kuno ilang makina and we gave them enough time, or more time atong gihatag nila. Mao nang dili na ta musalig sa atong provider”, suno kay Villa.
Sa Facebook post ni Provincial Board Member Brylle Deeiah Tumarong-Quio nakasaad nga unanimous nga gin aprobahan sang SP ang resolution nga nabase sa rekomendasyon sang Provincial Disaster Risk Reduction Management Council sa 2nd Quarter Metting sini sadtong Mayo 29.
Ini kasunod sang malapnagon kag malawig nga power outages tuga sang pagkaguba sang pila ka mga power generation units nga gina operate sang Siquijor Island Power Corporation ukon SIPCOR.
Ang sitwasyon nagtuga sang shortfall ukon kakulang nga 2,250 KW sa power supply sa probinsya.
Dugang pa sang board member, humalin sang Mayo 13 ang mga residente kag ang mga estabilisimento ang naga pangatubang sang rotational brownouts.
Pila gani sa mga lugar sa probinsya ang may supply sang kuryente sa sulod lamang sang duha tubtob tatlo ka oras sa kada adlaw.
Apektado ang mga essential services kaangay sang tubig, health care, ang pag eskwela, ang komunikasyon lakip na ang sanitation.
Nakasaad pa gid, nga nag tuga man ini sang job losses sa mga online workers.
Pati ang turismo apektado man.