Gina pabaskog karon sang probinsya ang legal basis sini sa pag take-over sang building sa katupad mismo sang Corazon Locsin Montelibano Memorial Regional Hospital.
Ini suno kay Negros Occidental Governor Eugenio Jose Lacson nga nagsiling man nga luyag sang probinsya iga-convert ang amo nga building bilang temporaryo nga teliniran sang mga naga bulig ukon himata sang mga pasyente nga gikan sa out of town kag na admit sa CLMMRH.
Ang natungdan nga building sadto gina gamit sang College of Medicine sang University of St La Salle.
Suno sa gobernador ang CLMMRH ang naga claim man nga naga panag-iya sang amo nga building.
Nagalaum si Lacson nga mag hilisugot ang probinsya kag CLMMRH para man pareho sila nga maka gamit sini.
Ang luyag man lamang sang probinsya amo ang pag gamit sang bahin sini, indi man ang bilog para lang may ma teniran ang mga himata ukon kabulig sang mga pasyente.