Nagsugod na kahapon, Nobyembre 16, ang Primewater Infrastructure Corporation sa pagdumala sa operations sang Bacolod City Water District base sa ginsudlan sini nga joint venture agreement.
Suno sa assistant general manager sang BACIWA nga si Engineer Jenelyn Gemora, 197 ka mga casual kag job order employees nila ang gin absorb sang Primewater kag 190 naman ang nag avail sang retirement package nga gin offer sang Primewater.
Pero may yara karon sang 68 ka mga empleyado sang BACIWA nga wala nagpa absorb sa Primewater kag nagpamalibad man sa pagbaton sang retirement package.
Tinutuyo sang 25 ka tuig nga joint venture agreement nga mapaayo ang serbisyo sa mga konsumedor pinaagi sa pagdugang sang infrastructure nga nagabalor sang minilyon ka pesos.
Damlag pa, gindismiss sang korte ang petition for nullification sang JVA nga gin-file ni Bacolod Councilor Wilson Gamboa Jr. kag pila ka mga konsumedor sang BACIWA.
“Months back naghimo na kami ya sang regarding sa employees kun sino ang gusto nga magpa absorb kag kun sino ang gusto mag retire kag ang management nagpili naman sang mabilin sa BACIWA to perform sang functions nga nabilin ni BACIWA,” suno ka Gemora.