Presyo sang ginabaligya nga bulak kag kandila iga monitor sang siudad sa Pista Minatay. May 400 tanan ka mga manugbaligya sang bulak kag kandila ang natalana maga negosyo sa palibot sang Bacolod Public Plaza, Libertad Public Market kag sa gwa sang mga patyo sa siudad.
Suno kay City Administrator Atty. Pacifico Maghari, III, magatalana sila sang personnel halin sa Public Order and Safety Office agud mapasiguro nga indi maglaksam sa karsada ang mga manugbaligya.
Maga-monitor man ang katapo sang Local Market Committee sang suggested retail price sang bulak kag kandila para mapasiguro nga masarangan sang mga bumalakal ang presyo.
Paagi sa iga issue nga special permit sang siudad ginatugutan ang mga manugbaligya sang bulak kag kandila halin October 29 asta November 2.