Presyo sang baboy ang gina paabot nga maga saka sa 4th quarter sini nga tuig.
Subong pa lang sa monitoring sang Provincial Veterinary Office may pagsaka sa presyo sang live weight.
Pero suno kay Dr Placeda Lemana, OIC-Provincial Veterinarian, nag saka man ang presyo sang live weight sa 137.50 nga average gikan sa 131.67 sa nagligad nga monitoring period, wala sang masyado nga pag bag-o sa presyo sang karne sang baboy sa merkado.
1.94 ang average nga saka sa presyo sang karne sang baboy.
Ang pagsaka sa live weight tuga sang pagdiutay man sang supply bangud nga temprano pa nga gin dispose ang mga baboy ukon antes pa man kuntani ang tion sang harvest sini bangud sang pag-igo sadto sang masakit sa mga baboy.
Suno kay Lemana, kun indi na mag pa gwa pa sa probinsya sang supply ang mga hog raisers mahimo nga bisan sa 4th quarter may nagakaigo pa nga supply ugaling indi man nila mapunggan ang hog raisers bangud sini man lamang sila nga tion nga maka bawi gikan sa ila nga kapierdihan.