Kilo sang carabeef ang nagmahal. Pero kada kilo naman sang baboy, manok kag baka ang nagbarato.
Sa monitoring sang Office of the Provincial Veterinarian, as of August 29, 55 centavos ang average nga gin saka sa presyo sang carabeef. Suno kay Dr Placeda Lemana ang OIC sang Provincial Veterinary Office ang saka sa presyo sang kada kilo sang carabeef ang tuga sang pagmahal man sang feeds.
296.25 pesos sa karon ang average price sang carabeef. Nag barato naman ang kada kilo sang manok, karne sang baka, baboy kag kanding bangud may nagakaigo nga supply local market.
Masobra sa 4 pesos ang gin nubo sa kada kilo sang baboy kag kanding.
P 260.83 ang kilo sang baboy, P 332.48 naman ang average nga kilo sang kanding.
P314.94 naman ang kilo sang baka kag ang sa manok P 202.40 ang kilo.
Padayon man ang monitoring sang DTI sa mga grocery stores sa Bacolod.
May pila ka mga brand sang sardinas, noodles, condensed kag evaporated milk bisan pa habon ang nag mahal. Pero suno sa DTI ang saka sa presyo sang sini nga mga balaklon ang yara sa gihapon sa sulod sang suggested retail price.