Presyo sang baboy sa probinsya ang nagmahal. Lechon sa bulan sang Disyembre gina paabot man nga magmahal.
Paathag ni Dr Placeda Lemana, ang provincial veterinarian, nagmahal ang karne sang baboy sa mga merkado bangud nga ang live weight sini ang nag mahal.
May mga taga sagwa sang probinsya, kaangay sa Iloilo ang naga bakal sa Negros Occidental rason nga may pagsaka sa live weight.
Sa Kabankalan ehemplo suno kay Lemana ini ang yara na sa 190 pesos sa kada kilo.
Sa ila nga monitoring naman bahin sa karne sang baboy sa merkado, may ma lugar nga naga dangat ini sa 320 pesos ang kada kilo.
Ang pinaka barato namao yara sa 230 pesos ang kilo.
Kay tungod manugsulod naman ang bulan sang Disyembre kag madamo sang okasyon, suno kay Lemana gina paabot nga magasaka pa gid ang presyo sang baboy.
Bahin sa lechon, gina paabot man ini nga maga mahal. Subong may mabakal pa nga 7,500 pesos nga lechon, pag abot sang Disyembre mahimo suno kay Lemana, 8,000 pesos na ang pinaka barato nga lechon.
May pagsaka man sa presyo sang dressed chicken suno kay Lemana sa P3/kilo.