Site icon Digicast Negros

Presidente Duterte nagpasalamat sa mga Negrosanon antes nagbiya sa pwesto

President Rodrigo Duterte speaks to supporters at a private gathering at Villa Olivia in Barangay Bubog, Talisay City, Negros Occidental, Thursday night, May 26.*Bobby Rojas photo

YouTube player

Yari sa Negros sang kagab-i si Presidente Rodrigo Duterte para magpasalamat sa iya nga mga supporters

Sa video nga kuha ni Mhel Sillador makita ang pag abot sang presidente sa Villa Olivia sa Barangay Bubog sa Talisay City sang kagab-i.

Suno sa kay anay konsehal sang Bacolod nga si bobby rojas nga yara sa pagtililipon, nagpasalamat siya sa mga nag suporta sa iya humalin sang nag sugod siya sa pag pangalagad bilang presidente tubtob subong nga naga hilapit na ang iya nga termino sa Hunyo treinta.

Sanday Olivia Yanson kag ang iya kabataan nga sanday Leo Rey Yanson kag Ginnette Yanson Dumangcas ang nag host sang private party bilang pagpasalamat sa presidente sa iya nga serbisyo sa pungsod.

May gamay nga programa kun sa diin nag hatag sang mensahe ang presidente sa may kapin 500 ka supporters kag may private dinner kaupod ang iya nga mga abyan.

Suno pa kay rojas ginhambal pa sang presidente nga bisan wala na siya sa pwesto, bukas ang iya nga linya para magbulig sa ila kun masarangan niya pa.

Kag si Leo Rey Yanson nagpasalig man sa iya nga may pamilya si Duterte nga balik balikan sa Negros.

Exit mobile version
Skip to toolbar