Isa ka pre-disaster risk assessment ang ginpatigayon sang Office of the Civil Defense – Negros Island Region sa pagtalakay sa mga risks nga madala sang RSSI kag sang ASF sa Rehiyon.
Gin panumunuan ni Regional Director Donato Sermeno, III, ang pre-disaster risk assessment upod ang mga concerned agencies para man matalakay ang sitwasyon kag ang mga tikang nga ipatuman.
Suno sa OCD, sa datus sang Sugar Regulatory Administration (SRA) mga 16,000 hectares sa 501 barangays ang ila nga na validate nga na apektuhan sang Red-Striped Soft Scale Insect.
Nalakip sa mga intervention ang pag panagtag sang insecticides, fertilizers, kag Biological Management Organisms (BMO), kasubong man sustainable pest management paagi sa fungi production.
Ang Department of Agriculture (DA) naman kag ang Provincial Veterinary Office ang naga patigayon sang case validation, pag pabaskog sang surveillance, pag pahamtang sang border control measures, kag patuman sang restriction sa movement sang baboy kag pork meat sa mga affected areas.
Suno kay Sermeno gin-present sang OCD ang worst case scenario lakip na ang pag paandam nga kun magpadayon ang pag palapta sang RSSI sarang ini mag reduce sang sugar production, mag apekto sa palangabuhian sang mga mangunguam kag economic losses.
Ang ASF outbreak nga uncontrolled maga guba sang food supply chain, maka dula sang hog industry kag makapasaka sang presyo.
“Malantaw naton ang possible nga worst case scenario kun magpadayon ang infestation sang RSSI. Kag ang effect sang African Swine Fever. Ang isa sa ways forward amo ang pag capacitate sang SRA sa mga LGUs kay ga express sila sang ila kakulangan sang personnel bala nga indi maka monitor sang extent sang pag infest sang RSSI”, suno kay Sermeno.
[sibwp_form id=1]