Ginpakamalaut sang Power Watch Negros ang ila ginasiling pag reject sang memorandum of understanding sa tunga sang ila nga grupo kag Central Negros Electric Cooperative.
Gingisi sang Power Watch Negros ang kopya sang MOU kaina sang aga.
Suno sa Power Watch, unfair sa ila nga bahin nga wala nadayon ang lagdaanay sang MOU nga dapat na schedule kun tani sang nagligad nga Abril. Ini matapos ma postpone kasunod sang panindugan ni Fr Ernie Larida nga katapo sang board nga luyag niya anay tun-an ang kaundan sang amo nga MOU.
Wala labot diri may pandemic pa.
Suno kay Wennie Sancho ang secretary general sang Power Watch Negros advocates ang pag gisi sang mou pagpakita sang ila nga pag protesta.
Paathag naman ni Fr. Larida wala labot nga kinahanglan niya nga tun-an ang kaundan sang MOU bangud sang amo nga tiun bag-o lamang siya naka pungko bilang katapo sang Board of Directors, nagmasakit pa siya kag gin-quarantine.
Nagpakig angut na damlag pa si Larida kay Atty. Dan Pondevilla ang project supervisor kag acting manager sang CENECO para sa pagdayalogo kag paglagda sang MOU. Pero suno kay Larida ginsiling ni Pondevilla nga iga schedule niya ini.
Kabahin sa gin kasugtan sang pagdihon sang mou ang pagporma sang power advocacy consultative council nga mangin venue sa pagtalakay sang mga concerns sang consumedor.
Tinutuyo man sang MOU ang transparency.