Pilason ang college student kag ang 20-anyos nga schoolmate sini sang makabunggo ang ila ginasakyan nga pickup truck sa signage kag poste sang Negros Power.
Nagluntad ang insidente sa entrance sang isa ka subdivision sa Granada-Alangilan road, Barangay Granada sa Bacolod City, mga las 2:45 sang kaagahon, Biyernes, Oktubre 30.
Nagwa sa imbestigasyon nga madasig ang pagpadalagan sang Toyota Hilux padulong Granada proper kag sang pag-abot sa kurbada nga bahin sang dalan, nadulaan sang control ang driver.
Bangud sa impact, natumba ang poste kag nakaangkon sang mga guba ang salakyan kag signages.
Gindala naman sa ospital ang driver, residente sang Barangay Buenavista sa Himamaylan City kag pasahero sini nga taga Barangay Villamonte sa Bacolod.
Nagtuga ang insidente sang brownout sa Burgos Feeder 3 halin sa Casa Mira padulong sa Alangilan.*
[sibwp_form id=1]